കൊച്ചി: കളമശേരിയില് രാസലഹരി വേട്ട. 30 ഗ്രാം എംഡിഎംഎയുമായി സിദ്ദിഖ് എന്ന യുവാവിനെയാണ് ഡാന്സാഫ് സംഘം പിടികൂടിയത്. കളമശേരി വട്ടേക്കുന്നം സിപി നഗറില് നിന്നുമാണ് വടക്കന് പറവൂര് സ്വദേശിയായ സിദ്ദിഖ് പിടിയിലായത്. വൈറ്റ് കോളര് ലഹരി പാര്ട്ടി സംഘത്തില് പെട്ടയാണ് സിദ്ദിഖ്.
തൃക്കാക്കരയില് നിന്നും പിടിയിലായ ലഹരി വില്പ്പന രംഗത്തെ മുഖ്യകണ്ണി കെവിന് മാത്യുവില് നിന്നും ലഹരി വാങ്ങിയ ഒരാളാണ് സിദ്ദിഖ്. കെവിനെ ചോദ്യം ചെയ്ത ശേഷമാണ് സിദ്ദിഖിലേക്ക് ഡാന്സാഫ് സംഘം എത്തിയത്. കെവിനില് നിന്നും ലഹരി വാങ്ങി വില്പ്പന നടത്തുന്നവരിലേക്കാണ് എക്സൈസ് അന്വേഷണം വ്യാപിപ്പിച്ചിരിക്കുന്നത്. അറസ്റ്റിലായ സിദ്ദിഖ് നേരത്തെയും മയക്കുമരുന്ന് വില്പ്പന കേസില് പിടിയിലായ വ്യക്തിയാണ്.
കൊച്ചിയിലെ ആഡംബര ഹോട്ടലുകളില് നടക്കുന്ന വൈറ്റ് കോളര് ലഹരി പാര്ട്ടികളിലെ വിതരണക്കാരനാണ് തൃക്കാക്കര ചെമ്പുമുക്ക് സ്വദേശിയായ കെവിന്. ലഹരി വിതരണക്കാരിലെ വമ്പന് സ്രാവ് എന്നാണ് കെവിന് അറിയപ്പെടുന്നത്. അറസ്റ്റിലാകുന്ന സമയത്ത് ഇയാളുടെ കൈവശം 183.55 ഗ്രാം എംഡിഎംഎയും 93.51 ഗ്രം എക്സ്റ്റസി പില്സും ഉണ്ടായിരുന്നു.
E-paper LOGIN
LOGIN